Case 150 anos da Panadaría A Bicha en Bueu

Hoxe dentro da campaña "A semana do teu comercio. Unha semana, un comercio, unha historia" que impulsa a Consellería de Economía e Industria da Xunta de Galicia haberá un acto para renderlle unha homenaxe á Panadaría A BICHA como “o negocio asociado máis antigo de Bueu” .

E tal como recolle a prensa local, por exemplo Faro de Vigo, “Cinco generaciones entre la harina”. Nun artigo, asinado por un excelente periodista como é David García, fai unha descrición da historia da dita panadaría. Pouco ou nada que obxectar. Máis por lo cariño que lles profeso quixera achegar algún dato que se sume aos expresados:

• A primeira panadaría que se ten referencia en Bueu é no contorno de 1834 no lugar da Praia (zona de Pescadoira). Onde estaba situada edificouse logo unha salgadeira e xa no 1904 había unha fábrica de conservas (1)

•  Fálase de “Cinco generaciones…” eu diría, alomenos, “Seis xeracións…” xa que:

1.      O primeiro panadeiro desta estirpe datado era Benito Pousada Barreiro (2) e a súa muller Josefa Lijó. (3)

2.      Estes foron pais de Florentina Pousada (4) Lijó que ao casar en 1883 con Francisco Lorenzo Lorenzo traballaron na panadaría e logo quedaron co negocio.  

3.      No 1884 naceu Francisco Lorenzo Pousada que casou con Carmen Santos. Estes continuaron co negocio pero alugando un novo local na rúa do Principe (Eduardo Vincenti) na casa do Sr. Camilo, fronte ao actual restaurante Quintela. Máis tarde trasladáronse ao lado do actual Hotel Incamar, onde tiveron forno e co paso do tempo ao inaugurar as actuais instalacións (1953) quedou coma “despacho de pan” ata hai poucos anos.  

4.      Seguiron co negocio seus fillos Amador Lorenzo Santos e José Guillermo Lorenzo Santos (Xeso). Continuou na panadaría a viúva de José: Dolores (Lola) del Río Freire xa que os herdeiros de Amador montaron outra panadaría en A Graña.

5.      Digna Catalina Lorenzo, irmáns e cuñados

6.      Sobriños e fillo de Digna

 NOTAS:

(1)  Ver entrada deste blog do 1/03/2013 ou premendo aquí

(2)  Benito Pousada Barreiro era fillo de Domingo Pousada e Benita Barreiro

(3)  No ano 1879-1882 había como panadeiros de Bueu: Alejandro Rodríguez, Francisco Ferradás e Benito Pousada. E como Panadeiros de Beluso: Juan García

No 1883-85 estaban como panadeiros de Bueu: Salvador Ferradás e Benito Pousada. E de Beluso: Manuel Regueira (nos Anuarios non aparece Juan García)

No 1888 seguen en Bueu: Salvador Ferradás e Benito Pousada. E en Beluso,  Juan García

(4) Noutros documentos poñen “Parada”

Panadaría anterior a 1953 e logo "Despacho"