25/05/12


O 27 de maio fixo 82 anos que falecía en Madrid, GABRIEL MIRÓ, escritor alacantino da xeración do 14 ou novecentismo.
Escritor de máis de dúas decenas de libros (de estampas, novelas e contos), colaborador dunha ducia de revistas e xornais españois e americanos... Amigo de Azorín... ata Valle Inclán e Pio Baroja lle fan unha homenaxe no 1908... De seguir así estaríamos a apuntar aspectos dun grande da literatura española, pero hai algo máis que me gostaría que tamén coñecérades: O seu bisavó era da Illa de Ons?.
A mediados do s. XIX, tal como recolle de entrevistas a familiares Edmund L. King "...aparece en Murcia don Andrés Ons, procedente, quizais, da illa de Ons, nome xeográfico que se convirte en apelido familiar. Deu este nome dicindo que viña de Galicia e asentouse na cercana cidade de Orihuela…".
Pequena árbore xenealóxica de Gabriel Miró:

14/05/12

Nesta semana temos o Día da Letras Galegas, como é sabido, dedicada á Valentín Paz Andrade.
Podería vencellar esta entrada á figura do homenaxeado e a súa relación con Bueu: Que na primaveira do 1931 dou un mítin en Bueu  o mesmo que en outubro do 1932, con xentes coma Castelao, Bóveda, Suárez Picallo… Que coincidiu con Johán Carballeira como colaborador da revista “Ser” … que o través do mundo dos empresarios da pesca tivo relación coa familia Massó,... que no 1952 escribía sobre a altísima productividade e hixiene no descabezado e eviscerado manual na fábrica de Massó, que …
...o que agora me apetece é deixar este traballo para outros e…. volver a lembrar que o homenaxeado polas Letras Galegas no 1985 foi Antonio Losada Diéguez que, coma Paz Andrade, era un intelectual galeguista. Que con Vicente Risco e Noguerol fundou a revista “Nós”, integrante das Irmandades da Fala,… pero tamén foi o autor do mosaico que presidía a entrada da fábrica de Massó.
E para non comentalo texto ou facerme preguntas como: Que foi do mosaico? Por que separaron o diptongo? … acudo ao compañeiro Carballeira que sempre me da ideas…
PARADOJA CRUEL. “El mar es camino para todos, fuente de vida, fecundador de la tierra, tesoro de los pobres...” Así reza una leyenda dictada por la pluma lúcida de Antonio Losada Diéguez, que campa refulgente en el frontis de una importante factoría gallega. ¡Tesoro de los pobres! Y en alucinante desfile de esclavitud y miseria, los mahones maltrechos de los marineros, con sus rostros de hambre y de sueño, ponen a cada hora, a lo largo de la costa gallega, un paradójico y cruel comentario a la bella leyenda gritando con su crispado silencio proletario el dolor de unas vidas eternamente miserables…

Para ver o artigo completo: El Pueblo Gallego (30-5-1936 páx. 16) ou en O Candil nº 5 páx. 46

Para coñecer máis e/ou realizar actividades sobre a obra e figura de Paz Andrade podemos acudir a moitas páxinas de centros educativos. Eu aconsello premer aquí para acceder a unha con amplas propóstas para todas as idades (do Centro Plirilingüe A Pedra, como non podía ser doutro xeito… sempre á vangarda!)

01/05/12


Na praia de Beluso - 21/11/1995
 - Que Paul Preston é un historiador inglés o sabe moita xente…
- Que Paul Preston é un dos máis importantes hispanistas británicos e que o seu traballo se centra na Historia Contemporánea (sobre todo dende a Segunda República, pasando pola Guerra Civil, ata a Transición Española)… o saben moitos…
- Que Paul Preston naceu no 1946 en Liverpool, no barrio de Anfield onde otópanse os estadios dos clubes de fútbol da cidade (o Liverpool Football Club e o Everton Football Club), que foi profesor de tal e cal universidade, que foi sinalado con tal ou cal distinción… podes velo por internet (Wikipedia, buscadores,…)
-Pero o que non atoparás por ningún outro sitio é o que me "soplou" o escritor e periodista bueuense Salvador Rodríguez:
O historiador Paul Preston veraneou varios anos en Bueu, así o dixo cando, fai tempo, estivo no Club Faro de Vigo. Incluso empeñouse en visitar Bueu (concretamente Loureiro) e confesou que de mociño ata tivera unha noiva alí”...