 |
Carlos e Xosé Velo
|
O número das personalidades da política, das
artes e da cultura en xeral que nalgo máis da primeira metade dos anos trinta
do s. XX andaron por estas terras de Bueu, e máis concretamente por Beluso, foi
amplo e bastante relevante. Dende colectivo O mar por diante demos en
dalos a coñecer como o Grupo de Bueu.
De cando en vez, por achados de distintas procedencias, temos o pracer de
aumentar e documentar a algún membro máis. Hoxe é un deses días. Se na Entrada
pasada engadimos ao músico e compositor Luís Brage, agora teño que facelo cun
curmán do cineasta (guionista, director...) Carlos Velo Cobelas, tamén
pertencente ao Grupo de Bueu.
 |
Xosé Velo Mosquera
|
Estou a falar de Xosé Velo Mosquera. Si, Xosé
Velo Mosquera (1906-1972), moi coñecido por ser un dos que artellou e realizou
o secuestro en 1961 do transatlántico portugués Santa María. Pero tamén, sobre
todo nas terras de Celanova onde naceu, como organizador das Mocidades
Galeguistas e, con posterioridade xa no exilio por terras americanas, tamén o
DRIL (Directorio Revolucionario Ibérico de Liberación) que aglutinaba a galegos
e portugueses (H. Delgado, H. Galvao...) opositores ás ditaduras española e portuguesa.
Pero máis que sinalar a súa biografía ou matizando
o seu perfil humano, cultural
e político
o que quero mencionar é a súa presenza e relación con Bueu.
 |
Rómulo Gállegos e amigos en Beluso
|
Abril de 1935, sabemos que fora nomeado
integrante do Consello Nacional das Mocidades
Galeguistas e por eses días casou con Jovita Pérez. Descoñecemos cal dos dous
motivos o trouxo ese ano pola Praia de Beluso. Inclinámonos que por ser
integrante do Consello das Mocidades Galeguista pois coas persoas que hai
constancia que estivo foron un grupo de intelectuais e políticos venezolanos
liderados polo escritor Rómulo Gállegos
e quizais ao través destes co compañeiro de Maruja Mallo, Alberto Fernández
‘Mezquita’ dirixente no POUM (Partido Obreiro Unificado Marxista). Proba da relación son as fotografías en 1935
que de Rómulo e o seu grupo na Praia de Beluso foron feitas por Xosé Velo Mosquera
e están no seu fondo do Museo de Pontevedra.
Outras coincidencias curiosas con este personaxe
e Bueu (directa o indirectamente) son:
Seu primo Carlos estivo filmando no 1936 tamén
pola Praia de Beluso e coñeceu aos Gállego e amigos...
A familia Velo emparentará coa familia bueuesa
Bares. O fará en terras americanas ao casar Josefa Bares Cantabous con José
Velo Temes.
Xosé Velo Mosquera como organizad
 |
Xosé Velo con Julio Formoso
|
or do DRIL tiña
unha relación moi fluída con Julio Formoso que era xornalista e xefe de
comunicacións desa organización. Tamén pai do mozo, que vivira no pazo do Casal
de Bueu, que fora á escola de D. Julio na Graña, con amigos que o lembran... chamado
Xulio Formoso...
Quizais por iso din que o mundo é un pano!
3 comentarios:
Si tendría aún no once años cuando lo del secuestro del trasatlántico Santa María por el " pirata" portugués Galvao. Lo recuerdo muy bien a pesar de ser todavía un niño.
Porque no pones la bibliografía.? No hay ningún dato sobre Velo en Beluso. Cuando saques datos de otros sería bueno que cites las fuentes
Siempre que hay referencias bibliográficas o de hemeroteca las pongo o menciono (y hasta si se puede leer el libro gratuíto pongo la dirección URL como ocurrió en la entrada anterior Belusana) cuando no pongo el origen de la noticia o la consecuencia de la misma (en este caso el fondo gráfico de Velo en el Museo) se explica el por qué o las consecuencias. De citar hemeroteca y no poner fecha... es que con lo dicho se puede hallar facilmente en Galiciana o en Atopo (de la Deputación de Pontevedra) o en su lugar en el Archivo municipal de Bueu. Pero de todas formas cuando hay dudas, interés o porque alguien quiere saber en cualquier cosa que publico, me lo pregunta y yo encantado, en lo que sepa, le aclaro todo lo antes posible (o eso llevo haciendo en los últimos 30 años). De todas formas tengo en cuenta tu sugerencia para estar un poco más atento en esa información (que si mimo más que en el Blog en otro tipo de publicaciones). Gracias!
Publicar un comentario